ياسمين عز توجه رسالة لسيدة هاجمتها: جربي حطي اسمي تاني في تلميحات أو تلقيحات.. عشان هنتفرج كلنا

تصدر اسم الإعلامية المصرية ياسمين عز مواقع التواصل الاجتماعي خلال الساعات الماضية.

جاء ذلك بعدما وجَّهت الإعلامية المصرية ياسمين عز، رسالة لسيدة هاجمتها دون ذكر اسمها، قائلة: جربي حطي اسمي تاني في تلميحات أو تلقيحات.. عشان هنتفرج كلنا وقتها أنا هدوس على إيه تاني غير الماركات، وأهو بالمرة نحكي الحكايات ونسلي الناس في الإجازات".

وأضافت  ياسمين عز في منشور لها عبر صفحتها الرسمية على "فيسبوك": "كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.. مدام بليز كرامتك وقعت منك آخر مرة هناك، ابعتي عبد "مظلوم" من عندك يجيبها قبل ما تسيح في الشمس".

وتابعت  ياسمين عز: "وأحكيلنا بالمرة قواعد بيات المرأة الأربعون برة بيت الزوج من غير إذنه، سلينا كدة في الإجازة، لأنك شطبتي محتوى وبقيتي مملة حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش".

واستطردت  ياسمين عز: ده أنا مش بس أدوس على الفساتين الماركات، ده أنا أدوس على أي حد عشان خاطر الفرعون الصغير الكبير، بعمل ده في الحياة العادية وبقوله في العلن، إنَّما بقى لما يكون في خرابة بيوت بتبوس الجزم في السر وتعمل فيلم مظلوم وتطلع في العلن تحكيلنا مأساة المرأة الإغريقية، كده أنتِ محتاجة علاج يا مدام روحي اتعالجي، يا مدام فيه تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء".

واستكملت  ياسمين عز: "وبلاش نشغل أسطوانة المرأة الحديدية، عشان المرأة نفسها لو عرفت أنتِ إيه، هيجيلها صدمة دماغية حضارية".